“Текелі” шипажайы

“Текелі” шипажайы Жетісу облысының Текелі қаласында теңіз деңгейінен 1050 метр биіктікте орналасқан. Талдықорған қаласына дейінгі қашықтығы-30 км құрайды. Шипажай аралас орманды  саябақ аумағында орналасқан және аумағы асфальт жолдармен, терренкурмен, орындықтармен, спорт алаңымен жабдықталған. Бос уақытты өткізу үшін үстел теннисі, бильярд, шахмат және нарды қарастырылған. Сондай-ақ, қонақтарға спорт залы мен фин саунасы бар.

“Текелі” санаторий-профилакториясында емдеу таудың таза ауасының сауықтыру әсеріне және физиотерапиялық процедураларға негізделген. Электрмен емдеу, лазерлік терапия, магнитотерапия, балшықпен, парафинмен, озокеритпен, жылумен емдеу, криотерапия, шөптерге негізделген фито-ванналар, ингаляциялар, классикалық, механикалық және аппараттық массаждар, сондай-ақ қан айналымы мен энергияны жақсарту үшін бірегей массаж қолданылады. Санаторийде ағзаның балама биорезонанстық диагностикасы, ішекті тазарту, инемен емдеу, мануалды терапия, флоатинг сеанстарынан өтуге болады. Жыныс мүшелерінің жағдайын доплерографиялық бақылау және эректильді дисфункцияны емдеу мүмкіндігі бар урологиялық кабинет жұмыс істейді. Барлық емдеу процедураларын дәрігер тағайындайды. Терапевттен басқа, уролог, гинеколог, невропатолог қабылдау жүргізеді.

Қонақ үйде тұру негізгі 3 қабатты ғимаратында орналасқан “Стандарт”, “Люкс” және VIP санаттарының нөмірлерінде ұйымдастырылған. Бөлмелер 1-3 адамға арналған.

Қонақтарға бірнеше позициядан таңдау мүмкіндігі бар “тапсырыс меню” жүйесі бойынша 5 реттік диеталық тамақ ұсынады.